Probleme me pagjumësinë? Ja zgjidhja pa medikamente


Pagjumësia nuk është sëmundje, por lidhet me disa prej tyre. Gjumi është pjesë e proçesit biologjik të njeriut, pa të cilin nuk mund të jetojë shumë gjatë. Njeriu duhet të flejë 8 orë gjatë 24 orëve.

Shpesh njerëzit hasin në vështirësi për të fjetur. Mund të ndodhë që nuk i zë gjumi ose zgjohen disa herë gjatë natës, duke ndikuar negativisht në cilësinë e tij.

Emocionet, stresi, ankthi, depresioni apo lodhja e tepërt ndikojnë direkt në pagjumësi. Por, nga ana tjetër janë disa sëmundje të cilat shkaktojnë pagjumësi si: problemet me veshkat, astma, hipertiroidizmi, aciditeti në stomak, parkinsoni si dhe dhimbjet kronike .

Ja si të luftoni pagjumësinë pa medikamente

Caktoni  një orë fikse, kur shkoni për të fjetur.

Krijoni një ambient të përshtatshëm: krevat i rehatshëm, dritë jo e fortë, pa zhurmë dhe jo shumë ngrohtë.

Largoni  nga dora telefonin, ipadin, laptopin dhe mos shikoni Tv para gjumit. Ekranet elektronike lëshojnë një dritë blu, që prish prodhimin e melatoninës nga trupi juaj dhe për pasojë largon gjumin.

Shmangni konsumin e shumë lëngjeve para gjumit.

Jo alkol dhe as kafeinë.

Mos konsumoni ushqim të rëndë në darkë.